गोविन्दको शवयात्रामा उर्लियो मानवसागर

काठमाडौं । भारतीय सीमा सुरक्षा बल एसएसबीको गोलीबाट गत बिहीबार मृत्यु भएका पुनर्बासका गोविन्द गौतमको आज राष्ट्रिय सम्मानसहित अन्त्येष्टि गरिदैछ ।
अन्त्येष्टिअघि उनको शब राखिएको धनगढीस्थित सेती अस्पतालबाट शब यात्रा निकालिएको छ । शबयात्रामा हजारौं सर्वसाधारणको सहभागिता रहेको छ ।

शबयात्राका क्रममा सर्वसाधारणले भारत र स्थानीय प्रशासनविरुद्व चर्का नाराबाजी लगाएका छन् । उनको राष्ट्रिय सम्मानका साथ अन्त्येष्टि गर्ने भनिएपनि सरकारका कुनै प्रतिनिधिको सहभागिता नरहेको भन्दै स्थानीय प्रशासनविरुद्व नाराबाजी गरेका हुन् ।

उनलाई सहिद घोषणा गर्दै सरकारले ११ तोपको सलामी दिने निर्णय गरेको छ ।
उनको शव सेती अञ्चल अस्पताल धनगढीमा राखिएको छ । शवयात्रापछि उनको कञ्चनपुरस्थित दोदा नदीमा अन्त्येष्टि गरिनेछ ।