चुनावको विरोधमा जनकपुरमा दुई घण्टा चक्काजाम हुने

काठमाडौं। मधेसको समस्या समाधान नगरी वैशाख ३१ गते हुन गइरहेको पहिलो चरणको चुनावको विरोधमा जनकपुरका विभिन्न संघ संस्थाले दुईघण्टा चक्काजाम गर्ने घोषणा गरेको छ ।

जनकपुरमा क्रियाशिल विभिन्न पाँच संस्थाले शनिवार संयुक्त विज्ञप्ति जारी गरी देशको आधाभन्दा बढी जनताले चुनावको विरोधमा रहेको अवस्थामा सरकारले जवर्जस्ती चुनाव गराउन लागेको आरोप लगाएको छ ।

यद्यपी जेठ ४ गते सविधान संशोधन भयो भने चुनावमा सहयोग गर्ने प्रतिवद्धता समेत सो संस्थाहरुले जनाएको मधेश अधिकार संघर्ष समितिका संयोजक सरोज मिश्रले जानकारी गराए ।

जनकपुरमा आइतबार १० वजेदेखि १२ वजेसम्म चक्काजाम गर्ने तथा चारवजे विरोधसभा गर्ने पाँच संगठनले जारी गरेको संयुक्त विज्ञप्तिमा उल्लेख छ ।