ट्रिपरको ठक्करले दाईको मृत्यु भाई घाइते

भक्तपुर । (बिहीबार) बिहान करिब २ बजेतिर भक्तपुरमा भएको सवारी दुर्घटनामा एक जनाको मृत्यु भएको छ ।

मध्यपुर थिमी –३ गठ्ठाघर नजिकै ट्रिपरको ठक्करबाट चाँगुनारायण नगरपालीका– २ का २५ वर्षीय निरज मल्ल ठकुरीको मृत्यु भएको हो ।

रातोपाटी संवाददाताका अनुसार:
-काठमाडौंबाट भक्तपुर आउदैं गरेको बा.४ ख ८१८० ट्रिपरले बा. ७० प ३३२३ नम्बरको मोटरसाइकललाई ठक्कर दियो ।
-मोटरसाइकलमा सवार ठकुरी घाइते भए ।
-उनलाई उपचारको लागि बि एण्ड बि अस्पताल भर्ना गरियो ।
-उपचारको क्रममा उनको अस्पतालमै मृत्यु भयो ।
-घटनामा मोटरसाइकलमा सवार उनका भाई (२२ वर्षीय) अजय मल्ल ठकुरी घाइते भएका छन् ।
-ट्रिपर चालक सिन्धुपाल्चोक स्थायी घर भए हाल काठमाडौं चावहिल बस्ने गोविन्द गिरी रहेको प्रहरीले जनाएको छ ।

ठक्कर दिने ट्रिपर र चालक गिरीलाई प्रहरीले नियन्त्रणमा लिइ कारवाही प्रक्रिया अगाडी बढाएको महानगरीय प्रहरी परिसर भक्तपरका डिएसपी कृष्ण प्रसाइले जानकारी दिएका छन् ।