तमोर नदी किनारमा बसोबास गर्ने माझी समुदाय मताधिकारबाट बन्चित

पाँचथर । पाँचथर र तेह्रथुमको सीमाना तमोर नदी किनारमा बसोबास गर्ने सीमान्तकृत अल्पसंख्यक माझी समुदाय बीस वर्षपछि हुन लागेको स्थानीय तहको निर्वाचनमा मताधिकारबाट बन्चित हुने भएका छन् ।

जिल्लाको हिलिहाङ, तुम्वेवा र कुम्मायकका विभिन्न घाटमा रहेका माझी बस्तीका १ सय ३५ घरधुरीमा बसोवास गर्ने अधिकांश माझीले असार १४ को स्थानीय तह निर्वाचनमा मतदान गर्न नपाउने भएका हुन् ।

फोटोसहितको नामावलीमा नाम अनिवार्य समावेश गर्नुपर्नेबारे राजनीतिक दल, निर्वाचन कार्यालय र सरोकारवालाले जानकारी नगराउँदा नामावली सूचीमा नाम नहुँदा आफूहरु मतदानबाट बञ्चित हुनुपरेको उनीहरु गुनासो गर्छन् ।

हिलिहाङ गाउँपालिकाको पिनासीघाट, कुम्मायक गाउँपालिका सिम्राघाट र तुम्वेवा गाउँपालिका लमुघाटमा वसोवास गर्दै आएका १ सय ३५ मध्ये करीब ३५ घरकाबाहेक धेरैको नाम छुटेको बताइएको छ ।