हाइड्रोपोनिक्स नेपालले यहाँ आयोजना गरेको कार्यक्रममा कृषि विकास मन्त्रालयका सहसचिव एवम् प्रवक्ता डा योगेन्द्र कार्कीले जापान र कोरिया भ्रमणमा गएकाबेला यो प्रविधिबाट तरकारी, फलफूल र घाँस उमारिएको पाएपछि आफूले नेपालमा पनि भित्र्याउन खोजेको जानकारी दिए।
“आर्थिक वर्ष २०७४÷२०७५ को नीति तथा कार्यक्रम र बजेटमा पनि यो प्रविधिलाई प्रवद्र्धन गर्न बजेट छुट्याइएको छ, यसले कम खर्चमा थोरै जनशक्तिका भरमा तरकारी, फलफूल र घाँस उत्पादन गर्न सकिन्छ” – उनले भने।
४० हजारकै लगानीमा पाँचजनाको परिवारलाई पुग्ने फलफूल र तरकारी यो प्रविधिबाट एक हप्तामै उमार्न सकिने प्रवक्ता कार्कीले सुनाए।
कार्यक्रममा राष्ट्रिय चरण तथा पशु आहार केन्द्रकी प्रमुख डा नम्रता सिंहले कम सिँचाइ र जनशक्तिले पनि यो पद्धतिबाट फलफूल, तरकारी र घाँस उत्पादन गर्न सकिने अनुभव सुनाइन्।
कार्यक्रममा हाइड्रोपोनिक्स केन्याका निर्देशक पेट चेज, हाइड्रोपोनिक्स नेपालका अध्यक्ष नीलमणि सापकोटा र खरायो सहकारी अभियानका अध्यक्ष रामु पण्डितले जमारे घाँस प्रविधि पनि भनिने हाइड्रोपोनिक्सबाट रोपिने फलफूल अरुभन्दा राम्रो हुने जानकारी गराए।
