फोटोपत्रकार क्लबको आयोजनामा पत्रकारिता र सुरक्षा विषयमा २ दिने फोटो प्रदर्शनी शुक्रबारबाट सुरू हुने भएको छ।
राजधानीको बबरमहलस्थित आर्ट काउन्सिलमा हुने फोटोप्रदर्शनीको उद्घाटन सभाामुख ओनसरी घर्ती मगरले गर्ने फोटोपत्रकार क्लबले जनाएको छ। पत्रकार तथा फोटोपत्रकारहरुले आफू जोखिममा परेर गरेका कार्यहरुका तस्बिर प्रदर्शनीमा राखिने क्लबले जनाएको छ।
फोटोपत्रकार, पत्रकार, सर्वसाधारण, मिडिया सञ्चालकलगायत नीतिनिर्माण तहमा बस्नेहरुलाई नेपालका फोटोपत्रकार र पत्रकारको शुरक्षास्थितिबारे जानकारी गराउनु फोटोप्रदर्शनीको मुख्य उद्धेस्य रहेको क्लबले जनाएको छ।
ब्यवसायिक फोटोपत्रकारिताको जोखिमपूर्ण अवस्थाबारे बुझ्दै यसको अवस्थालाई सुधार गर्दै लैजानु पनि यो प्रदर्शनीको उद्धेस्य रहेको क्लबले जनाएको छ।
इन्टरनेशनल मिडिया सपोर्टको सहयोगमा हुने यो फोटो प्रदर्शनीमा ४५ वटा फोटोहरु समावेश गरिएको छ। फोटो प्रदर्शनीमा प्रवेश निःशुल्क रहेकोले सर्वसाधारणलाई फोटो अबलोकन गर्न फोटोपत्रकार क्लबले आव्हान गरेको छ।
