नेपाली कांग्रेस रुपन्देहीले बाढी प्रभावितलाई सहयोग गर्ने

रुपन्देही । नेपाली कांग्रेस रुपन्देहीले बाढी, पहिरो र डुवान प्रभावित नागरिकलाई सहयोग गर्ने भएको छ ।

भैरहवामा बसेको कांग्रेस जिल्ला कार्यसमितिको बैठकले बाढी पहिरो प्रभावितलाई सहयोग गर्ने निर्णय गरेको हो ।

बैठकले राहतका लागि जिल्लामा रहेका महाधिवेसन प्रतिनीधि, महासमिति सदस्य, जिल्ला कार्यसमिति, क्षेत्रीय पदाधिकारी र नगर पदाधिकारीबाट न्यूनतम अनिबार्य १ हजार र सवै क्रियाशील सदस्यबाट न्युनतम अनिवार्य १ सय रुपैयाँ उठाउने निर्णय गरेको सचिव रामकृष्ण खाँणले जानकारी दिए ।

यस्तै बाढी पहिरो र डुवानका कारण जिल्लामा भएको मानवीय एवं भौतिक क्षतिको विवरण संकलनका लागि क्षेत्रीय सभापति सदस्य रहने गरी सचिव खाँणको संयोजकत्वमा अनुगमन समितिसमेत गठन गरिएको छ ।