१००० दरका १०० थान नोट अर्थात एक लाख रूपैयाँ रामेछाप घर भइ कालीमाटीमा बस्दै आएका २५ वर्षीय उमेश श्रेष्ठले प्रहरीमा जिम्मा लगाएका हुन्।
मैले भेटाएको एक लाख रकम ट्राफिक प्रहरी कार्यालय थापाथलीबाट चिठी लेखि ‘महानगरीय ट्राफिक कार्यालय अ.अ. तथा कारबाही शाखा काठमाडौँ’ मा पठाएको छु। यो खबर सम्बन्धित व्यक्तिसम्म पुगेमा सम्बन्धित व्यक्तिले आफ्नो पैसा पाउर्ने थिए,’ श्रेष्ठले भने।
साथै उनले ट्राफिक कार्यालयद्वारा सम्बन्धित व्यक्तिको ठोस प्रमाण बिना उक्त रकम हस्तान्तरण नहोस भनि आग्रहसमेत गरेका छन्।
‘पैसा जहाँ भेटिएको हो त्यो क्षेत्र मा CCTV जडान गरिएको छ , भेटिएको ठाउँ मा क्याप्चर हुन नसकेको तर उक्त मार्गमा चल्ने गाडी बाइकहरु अलि पर पुगेपछि क्यामेरामा कैद हुन्छ। समय र उक्त बन्डलमा भएको बैंककोका आधारमा सम्बन्धित व्यक्तिले आफ्नो दाबी गर्न सकोस्,’ उनले भनेका छन्।
साधारण नेपालीका लागि एक लाख रुपैया भनेको सानो कुरा हैन। कसैको वर्षौभरिको कमाई हुन सक्छ। त्यसैले हराएको व्यक्तिको पीडा थाहा भएर आफूले उक्त रकम प्रहरीमा जिम्मा लगाएको श्रेष्ठले बताए।
