चक्रपथ सफाई अभियान सुरू

बागमती जस्तै चक्रपथ सरसफाई अभियान सुरु भएको छ।

पहिलो पटक शनिबार चक्रपथको बाफलबाट सरसफाई अभियान सुरु गरिएको हो। शनिबार बाफलबाट स्युचाटार पुलसम्म सरसफाई गरिएको छ। सडकमा भएको धुलो बढार्ने, सडक छेउमा रहेका झारपात काट्ने, चक्रपथ आसपासका फोहोर संकलन गर्ने लगायत सफाईको काम भएको छ।

बिहान सातदेखि नौ बजेसम्म भएको सरसफाईमा पाँंच सय बढीको सहभागिता थियो।

सरसफाईमा स्थानीय, शसस्त्र प्रहरी, नेपाल प्रहरी, विभिन्न संघ संस्थाका तथा जन प्रतिनिधिहरु संलग्न थिए। सफाई अभियान हरेक शनिबार बिहान सात बजेदेखि नौ बजेसम्म सञ्चालन गर्ने योजना रहेको चक्रपथ सफाई अभियानका अभियन्ता ताराबहादुर कुँंवरले बताए।