प्रकाशित मिति : शनिबार, भदौ ३, २०७४
रसियाको दुर्गम उत्तरी सहरमा भएको एक छुरी आक्रमणमा परी कम्तीमा आठ व्यक्ति घाइते भएका छन्। एक व्यक्तिले आठ जना व्यक्तिलाई छुरी प्रहार गरेको बताइएको छ।
सो आक्रमणपछि प्रहरीले ती व्यक्तिलाई कारबाहीको क्रममा गोली प्रहार गरेको बताइएको छ।
आक्रमणकारीले आफ्नो छेउबाट हिँडिरहेका व्यक्तिहरुलाई चक्कु प्रहार गरेका अनुसन्धानकर्ताहरुले शनिबार जानकारी दिएका छन्। यो एक भीषण आक्रमण भएको रसियाको अनुसन्धान विभागले जनाएको छ।
सहरको मध्य भागमा रहेको मुख्य सडकमा स्थानीय समय अनुसार बिहान ११.३० मा घटना भएको अधिकारीहरुले जनाएका छन्। घटनास्थल मोस्कोदेखि २१ सय किलोमिटर उत्तर तर्फ छ।
घटनामा घाइते भएका मध्ये २ जनाको अवस्था गम्भीर र बाँकीको स्थिर रहेको प्रान्तीय सरकारका अधिकारीहरुले बताएका छन्। रासस/एएफपी
© copyright 2016-2019 and all right reserved to jaljalakhabar | Site By : sobij
