सत्यनिरुपण तथा मेलमिलाप आयोगमा परेका उजुरीमाथिको छानबिन सुस्त

विराटनगर, चैत २ । सत्यनिरुपण तथा मेलमिलाप आयोगले १४ सय उजुरीमाथिको अनुसन्धानको सम्पन्न गरेको छ ।

मुलुकका सातैओटा प्रदेश मुकाममा परेका कुल ६३ हजार ६०० उजुरीमध्ये पहिलो चरणमा आयोले १४ सय उजुरीमाथिको अनुसन्धान पूरा गरेको जनाएको छ ।

आयोगकी सदस्य मञ्चला झाले आयोगले पहिलो चरणमा १४ सय उजुरीमाथि छानबिन र अनुसन्धान सकेको भन्दै आगामी वैशाखभित्र सरकारलाई उजुरीमाथिको कारबाहीका लागि सिफारिस गरिने जानकारी दिइन् ।

आयोगको प्रदेश नम्बर–१ मुकाम कार्यालय विराटनगरमा शुक्रबार भएको आयोगको परिपूरण मापदन्डसम्बन्धी सुझाव संकलन कार्यक्रममा सदस्य झाले प्रदेश–१ मा ६ हजार ७५८ उजुरी परेकामा पहिलो चरणमा ४०० उजुरीमाथिको अनुसन्धान सकिएको बताइन् ।