प्रकाशित मिति : बुधबार, बैशाख ५, २०७५
सिराहाको कल्याणपुर नगरपालिपाका–११ स्थित रामदुलारी माविमा सोही ठाउँका दिनेशकुमार र कौशिलादेवी मण्डल (खत्वे) की ५ वर्षीया छोरी रुपाकुमारी मण्डल (खत्वे) तथा भोगेन्द्र र अमिराकुमारी मल्लिकका ५ वर्षीय छोरा पवन मल्लिक (डोम)लाई प्रधानमन्त्रीले विद्यालय भर्ना गराएका हुन् ।
भर्ना गरिएका बालबालिकालाई प्रधानमन्त्री ओलीले पुस्तक र पोसाकसमेत वितरण गरेका थिए ।
विद्यालय भर्ना गरेपछि सम्बोधन गर्दै प्रधानमन्त्री ओलीले आफूले भर्ना गराएका विद्यार्थी सफल भएको हेर्न चाहेको बताए ।
उनले भर्ना अभियानमा विद्यालय गएका विद्यार्थीलाई विद्यालयमै टिकाउन सरकारले सबै सहयोग गर्ने प्रतिबद्धता पनि जनाए ।
यसअघि, वैशाख १ गते मुगुमा प्रधानमन्त्री ओलीले एक बालिकालाई विद्यालय भर्ना गराएका थिए ।
© copyright 2016-2019 and all right reserved to jaljalakhabar | Site By : sobij
