प्रस्तावना तथा प्रतिवेदन लेखन तालिम शनिवार नेपालगंजमा समापन

मधु पौडेल , बाँके । प्रस्तावना तथा प्रतिवेदन लेखन तालिम शनिवार नेपालगंजमा समापन भएको छ । युवा महिलाहरुको लागि आयोजना गरीएको सो तालिममा बाके जिल्ला अन्तर्गत पर्ने खजुरा ,डुडुवा र वैजनाथ गाउँपालिका ३० जना युवा महिलाहरुको उपस्थिति रहेको थियो ।

नेपालगंज बाकेमा विगत लामो समयदेखी युवाहरुका लागि काम गर्दै आएको राइजिङ आइडल्स बाकेको आयोजनामा सञ्चालित तालिम प्लान इन्टर नेशनल नेपाल नेपालगंज बाकेको सहयोगमा सो तालिम  सम्पन्न भएको हो ।

समापन कार्यक्रमको प्रमुख आतिथिमा प्लान इन्टर नेशनल नेपाल नेपालगंजका प्रमुख मिना पराजुली रहनु भएको थियो भने कार्यक्रमको सभापतित्व राइजिङ आइडल्स बाकेका अध्यक्ष विनोद शर्माले गर्नु भएको थियो ।

राइजिङ आइडल्सबाकेका कार्यक्रम अधिकृत विष्णु अधिकारीले सञ्चालन गरेको समापन कार्यक्रममा प्लान प्रमुख पराजुली,राइजिङ आइडलका संस्थापक अध्यक्ष आशिष कुमार वर्मा,गैरसरकारी संस्था बाके अध्यक्ष सपना भट्टराई,नेपाल पत्रकार महासंघ प्रदेश न ५ का सचिव शुक्रऋषि चौलागाई,प्रस्तावना तथा प्रतिवेदन लेखनका प्रशिक्षक शुशिल चौधरी ,जिल्ला बाल संजाल बाके अध्यक्ष श्वेता गुरुङ लगाएतले बोल्नु भएको थियो ।

कार्यक्रममा प्रमुख अतिथि पराजुलीलाई नेपालगंजमा प्लानको प्रमुखका रुपमा पहिलो पटक आएको हुदाँ राइजिङ आइडल्सबाकेले स्वागत गरेको राइजिङ आइडिल बाकेका संस्थापक अध्यक्ष वर्माले जानकारी दिनु भयो ।

राइजिङ आइडल्स बाकेका कार्यक्रम अधिकृत अधिकारीका अनुसार तालिममा सहभागि युवा महिलाहरुको सहभागितामा  गठित तिन युवा महिला समुहको संस्थागत विकासका लागि प्रन्धओटा शिर्षकमा विभिन्न सामग्रीहरु वितरण गरीएको बताउनु भयो ।