केसी र पोख्रेलको निधनप्रति दुख ब्यक्त

शिबराज पन्थी,१० जेठ गढवा । नेपाल रेडक्रस सोसाइटी उपशाखा गढवाका तदर्थ समिति तथा प्रथम कार्यसमितिका कोषाध्यक्ष माधव केसीको मिति २०७५ बैशाख ३० का दिन ६१ बर्षको उमेरमा भएको निधन तथा उपसभापति हरि पोखे्रल,उप–कोषाध्यक्ष खुमानन्द पोखे्रल र आजिवन सदस्य बिष्णु प्रसाद पोखे्रल र कपिलबस्तुका आजिवन सदस्य चुडामणि पोखे्रलकी ममतामयी आमाको यहि मिति २०७५ जेष्ठ ५ का दिन दुखद निधन भएकोमा उपशाखा परिवारले गहिरो दुःख ब्यक्त गरेको छ ।

रेडक्रस उपशाखाको एक टोली बुधवार केसी तथा पोख्रेलको निवास गढवामा पुगी दुःखको घडीमा मृतात्माको चिरशान्तीको कामना गर्दै शोक सन्तप्त परिवारजनमा गहिरो दुख ब्यक्त गर्दै समवेदना–पत्र प्रदान गरेको छ ।

टोलीमा नेपाल रेडक्रस सोसाइटी जिल्ला शाखा दाङका सभापति नारायण आचार्य, इन्कोर कार्यक्रमका फिल्ड अधिकृत देवि प्रसाद प्याकुरेल, उपशाखाका सभापति दिपक कुमार यादव, संस्थापक सभापति खिमानन्द पाण्डे, पुर्व कार्यसमितिका सदस्य रामप्रसाद गैरे, सल्लाहकार भगवती प्रसाद चौधरी, उपशाखा सचिव शिबराज पन्थी, सहसचिव मधा न्यौपाने, कार्यसमितिका सदस्यहरु तेजप्रसाद न्यौपाने, गोमा रिजाल, चन्द्रराज पाण्डेय र आजिवन सदस्यहरु केशवराज भुसाल तथा खड्क जिसी रहनुभएको थियो । कार्यक्रममा मृतक बेगमता पोखे्रलको संझनामा श्रद्धाञ्जली अर्पण गरी समवेदना–पत्र प्रदान गरिएको थियो ।