जलवायु अनूकुलन योजना स्तरिकरण गर्न कार्यशाला

शिबराज पन्थी,१० जेठ गढवा । जिल्ला समन्वय समिति दाङ र नेपाल जलवायु परिवर्तन अनुकुलन सहयोग कार्यक्रमको आयोजनामा बिहिवार देउखुरीको गढवामा एकदिवसीय कार्यशाला सम्पन्न भएको छ ।

गढवा गाउँपालिका वडा नं. ६ का वडाअध्यक्ष वालचन्द्र हमालको अध्यक्षतामा भएको कार्यक्रममा बढ्दो वन विनास, खेतिपातिमा रासायनिक बिषाधीको अधिकतम प्रयोग र प्राकृतिक स्रोत साधनको अनियन्त्रीत दोहनका कारण जलवायु परिवर्तन भएको र यसले मानव, पशुचौपायाको स्वास्थ्य, खेतीपाती र प्राकृतिक प्रकोपहरु सुख्खा खडेरी,अतिबृष्टि, अनाबृष्टि, बाढी पहिरो जस्ता खतराहरु उत्पन्न गराएको कार्यक्रमको निश्कर्ष रहेको थियो । कार्यक्रममा स्थानीय तहका जनप्रतिनिधी, कर्मचारी र स्तानीय संघसंस्थाको सहभागीता रहेको थियो ।

कार्यशालाबाट जलवायु परिवर्तनका कारण निम्तीएका जोखिमहरुको पहिचान गरी जलवायु अनुकुलनका योजनाहरु तयार गर्ने, स्तरिकरण गर्ने र स्थानीय सरकारी निकायबाट कार्यन्वयनको चरणमा लैजाने कार्यक्रमको लक्ष्य रहेको जिल्ला कार्यक्रम अधिकृत अभयकर्ण सिंहले बताउनु भयो ।

कार्यक्रममा जलवायु परिवर्तन अनुकुलन सहयोग कार्यक्रमका क्षेत्रिय संयोजक तिर्थराज पन्थी, जिल्ला कार्यक्रम अधिकृत रमेश गौतम, सामुदायिक सहजकर्ता सरस्वता पौडेल र विष्णु विसीले सहजिकरण गर्नु भएको थियो ।