प्रकाशित मिति : मङ्लबार, साउन ८, २०७५
चितवन ८ साउन (रासस) ः जिल्लामा अझै २८ प्रतिशत जमीनमा धान रोपाइँ हुनसकेको छैन ।
साविकको जिल्ला कृषि विकास कार्यालयका सूचना अधिकारी रामराजा पौडेलका अनुसार हालसम्म ७२ प्रतिशत धान रोपाइँ भएको छ ।
गतवर्ष यतिबेला झण्डै ८० प्रतिशत रोपाइँ भएको थियो । पौडेलका अनुसार जिल्लाको पश्चिमी क्षेत्रमा सिञ्चित गर्ने खगेरी नहर र नारायणी लिफ्टमा पानी ढिलो छोड्दा तथा प्रर्याप्त वर्षात नहुँदा धान रोप्न ढिला भएको हो ।
जिल्लाको पूर्वी क्षेत्रमा र माडीमा ९० प्रतिशत रोपाइँ भएको छ, भने भरतपुर महानगर र इच्छाकामना गाउँपालिकामा ५५ प्रतिशत मात्र रोपाइँ भएको पौडेलले बताउनुभयो । जिल्लामा २८ हजार ६ सय हेक्टरमा वर्षे धान लगाइन्छ । कार्यालयका प्रमुख सुधीर श्रेष्ठका अनुसार सावित्री, राधा चार, सामामन्सुली, रामधानलगायत जातको धान लगाइन्छ ।
© copyright 2016-2019 and all right reserved to jaljalakhabar | Site By : sobij
