घरबाहिर राखिएका डस्टबिन अचानक हराउन थालेपछि अनुसन्धान गर्दा खुल्यो डरलाग्दो कहानी

लण्डन। बेलायतमा केही हप्ताअघि अचानक घरबाहिर राखिएका फोहरका भाँडा हराउन थाले । फोहरका भाँडा हराउन थालेपछि मानिसहरु छक्क परे र उनीहरुले प्रहरीलाई खबर गरे । प्रहरीले अनुसन्धान गर्दै जाँदा निकै डरलाग्दो रहस्य खुलेको छ । यहाँका युवाहरुले फोहरका डस्टबिनलाई फोहरसमेत जलाएर त्यसको धुवाँको सेवन गर्न थालेको पाइएको छ । युवाहरुले यस्तो धुवाँलाई नशाको रुपमा प्रयोग गरिरहेको भेटिएको छ ।

अलिे प्रहरीले यहाँका स्थानीयलाई घरबाहिर डस्टबिन नराख्न निर्देशन दिएको छ । ग्रेगर म्याचेस्टर पुलिसका प्रवक्ताले भने ‘लंगसाइट पार्क यसको सबैभन्दा ठूलो उदाहरण हो । हालै यहाँ बच्चाको खेलमैदानमा डस्टबिन जलाइएको छ ।’ ग्रेगर म्यान्चेस्टर फायरबाट प्राप्त सूचनाअनुसार फोहरको डस्टबिनलाई मात्रै यत्ति कारणले आगो लगाइयो किनकि केही व्यक्तिलाई यसबाट निस्कने धुवाँको नशा गर्नु थियो । पुलिसका अनुसार यो नशा गर्ने व्यक्तिलाई जत्तिकै आसपासका व्यक्तिलाई पनि खतरनाक छ किनकि प्लाष्टिकबाट निस्कने धुवाँ निकै विषालु हुन्छ ।