प्रकाशित मिति : आइतवार, फाल्गुन १२, २०७५
काठमाडौँ । इन्द्र कुमारको निर्देशनमा बनेको बलिउड चलचित्र टोटल धमालले धमकेदार व्यापार गरेको छ। दर्शकहरुबाट आएको सकारात्मक प्रतिक्रियासँगै चलचित्रले हालसम्म भारु साढे १६ करोड रुपैयाँको कारोबार गरेको छ। ट्रेड एनालिस्ट तरण आदर्शले एक ट्वीट गर्दै यो जानकारी दिएका हुन्।
चलचित्र टोटल धमाल प्रदर्शन भएको दोस्रो दिन नै फिल्मको कमाई साढे १६ करोड भारु अथवा नेपाली २५ करोडभन्दा बढीको कारोबार गर्न सफल भएको हो ।
बलिउडका स्टार अजय देवगनको मुख्य भूमिका रहेको सो चलचित्रमा अनिल कपूर, माधुरी दिक्षित, अरशद वारसी, रितेश देशमुखको प्रमुख भुमिकामा देखिएका छन्।
सो चलचित्र निर्माण भन्दा अगाडि सो समुहले २००७ मा पहले धमाल, २०११ मा डबल धमाल निर्माण गरेको थियो । यी दुवै चलचित्रको निर्देशन इन्दु कुमारले गरेका थिए।
© copyright 2016-2019 and all right reserved to jaljalakhabar | Site By : sobij
