६ जना मृत फेला

काठमाडौं । काठमाडौं, खोटाङ, झापा, सप्तरी, कास्की र रुपन्देहीमा ६ जना मृत अवस्थामा फेला परेका छन् ।

काठमाडौं महानगरपालिका–१६ बालाजु बाईसधारास्थित पानी ट्याङ्कीको खाली जग्गामा काठमाडौं गोंगबु बस्ने धादिङ गंगाजमुना गाउँपालिका घर भएका २६ वर्षीय गोपाल खत्री शनिबार दिउसो मृत अवस्थामा फेला परेका छन् ।

खोटाङ, साकेला गाउँपालिका–५ बोफई बस्ने ४० वर्षीय हरिबहादुर खत्री घरदेखि करिब ५ सय मिटर टाढा शुक्रबार साँझ मृत अवस्थामा फेला परेका छन् ।

झापा, भद्रपुर नगरपालिका-४ स्थित माली सामुदायिक बनमा हाल नाम, थर, वतन नखुलेका करिब ६० वर्षीय पुरुष शुक्रबार दिउसो मृत अवस्थामा फेला परेका छन् ।

सप्तरी, अग्निसाइर कृष्णसवरन गाउँपालिका–६ मोहनपुरस्थित खेतमा हाल नाम, थर, वतन नखुलेका करिब ३० वर्षीय पुरुष शनिबार बिहान मृत अवस्थामा फेला परेका छन् ।

कास्की, पोखरा महानगरपालिका-३३ रातो पहिराघाटस्थित सेती नदीमा शनिबार बिहान हाल नाम, थर, वतन नखुलेकी करिब ४५ वर्षीया महिलाको शव फेला परेको छ ।

रुपन्देही बुटवल उपमहानगरपालिका–३ चिडियाखोला बस्ने ६५ वर्षीय नारायण आत्रे आफ्नै घरको भान्सा कोठामा शनिबार बिहान मृत अवस्थामा फेला परेका छन् । यस सम्बन्धमा स्थानीय प्रहरीले आवश्यक अनुसन्धान गरिरहेको छ ।