बार्गेनिङ किङको नाममा परीचित पत्रकार निशान दाजु भट्टराई पत्रकार महासंघ दाङबाट निलम्बित ( विज्ञप्ति सहित )

निलम ओली , दाङ । बार्गेनिङ किङको रुपमा पारचित निशान दाजु भट्टराईलाई पत्रकार महासंघ दाङले साधारण सदस्यबाट निलम्बन गरेको छ ।

आज बसेको पत्रकार महासंघको कार्यसमितिको बैठकले छानबिन समितिको सिफारीसका आधारमा व्यवसायीलाई आतंकीत पारी समाचारलाई बार्गैनिङ्गको हतियारका रपमा प्रयोग गर्दै आएको ठहर गर्दै भट्टराईलाई दुई महिनाका लागि साधारण सदस्यबाट निलम्बन गरीएको हो ।

प्रशासनको आडमा बिभिन्न ब्यवसायीहरुलाई बार्गैनिङ्ग गरेको , एक तर्फी समाचार लखेर चरीत्र हत्या गरेको , पत्रकारीताको मूल्य र मान्यता भन्दा बाहिर गएर काम गरेको र आचारसंहिता उलंघन गरेको छानविन समितिले ठहर गरेको हो ।

यसैगरी बिगत १ बर्ष देखी भट्टराईले जागरण अनलाईन न्यूज पोर्टललाई बार्गैनिङ्गको हतियार बनाएको , लैङ्गीक हिंसा गरेको, व्यवसायीलाई आतंकित पार्ने काम गरेको,कपोलकल्पित र भ्रामक समाचार लेख्नेगरेको आरोप सहित पत्रकार महासंघमा लिखित मुद्धा दायर गरीएको थियो ।

जिल्लामा हुने बिभिन्न साँस्कृतिक कार्यक्रमहरुको आयोजक संग रकम असुल्ने गरेको पिडितहरुले छानबिन समिति समक्ष बयान दिएका थिए ।

पत्रकार भटराईका बिरुद्ध परेका उजुरी माथी छानविन गर्न बनेको समितिले ६ महिनाका लागि निलम्बन गर्न सिफारीस गरे पनि महासंघ दाङ शाखाले २ महिना सम्म साधारण सदस्यबाट निलम्बन गर्ने निर्णय गरेको हो ।

पत्रकार भटराई बिरुद्ध लिखित र मौखिक उजुरी तथा गुनासो आएपछि महासंघले पूर्ब अध्यक्ष सुदिप गौतमको संयोजकत्वमा छानविन समिति गठन गरेको पत्रकार महासंघ दाङ साखाका अध्यक्ष सविन प्रियासनले जलजलाखबरसँग बताउनु भयो ।