मन्त्री र सांसदलाई पदबाट हटाउन माग

काठमाडौं । स्वतन्त्र राष्ट्रिय अभियान, नेपालले जनतासँग गरिएको प्रतिबद्धता अनुसार काम नगर्ने सांसद र मन्त्रीहरुलाई पदबाट हटाउन माग गरेको छ ।

स्वतन्त्र राष्ट्रिय अभियान, नेपालले शनिबार काठमाडौंमा एक कार्यक्रम गरी जनतासँग गरिएको प्रतिबद्धता पूरा नगर्ने सांसद तथा मन्त्रीहरुलाई पदबाट हटाउन सरकारसँग माग गरेको हो । काम नगर्ने तर पदमा रहिरहने सांसद तथा मन्त्रीहरुलाई पदबाट हटाउन माग गरिएको अभियानका संयोजक स्वागत नेपालले जानकारी दिए ।

अभियानले स्रोत नखुलेको नेताहरुको सम्पत्ति तत्काल राष्ट्रियकरण गर्न पनि सरकारलाई दवाव दिँदै आएको छ । नयाँ भन्ने तर पूरानै तौरतरिकाले चलेर मुलुक नबन्ने उल्लेख गर्दै अभियानका संयोजक नेपालले त्यस्ता राजनीतिक दलहरुको विकल्प खोज्न पनि सर्वसाधारणलाई अपिल गरे ।

अभियानले संघीयताको नाममा दोहोरो कर लगाएर जनतालाई मारमा नपार्न पनि सरकारको गम्भिर ध्यानाकर्षण गराएको छ ।