विप्लवका कमाण्डर माइला लामालाई खोज्दै प्रहरी !

काठमाडौं । बिप्लव नेतृत्वको नेपाल कम्युनिष्ट पार्टीका उपत्यका बिशेष व्यूरो इन्चार्ज माइला लामालाई प्रकाउ गर्न गृहमन्त्रीले आदेश दिएको बताइएको छ ।

गत जेठ १२ गते राजधानीमा भएको बिस्फोटमा विप्लव नेतृत्वको नेकपाका ४ नेताको मृत्यु भएको थियो ।

नेपाल बन्द सफल बनाउँन राजधानीका विभिन्न स्थानमा विस्फोटक पदार्थ राख्ने कार्यको नेतृत्व उपत्यका इन्चार्ज लामाले गरेको भन्दै गृहमन्त्रीले पक्राउ गर्न निर्देशन दिएको बताइएको छ । उक्त बिस्फोटक पदार्थ प्राविधिक कारणले अगाडिनै बिस्फोट हुँदा ४ जनाको मृत्यु भएको थियो भने केहि घाइते भएका थिए ।

गृहमन्त्रीले जुनसुकै हालतमा लामालाई पक्राउ गर्न गोप्य सर्कुलर जारी गरिएको बताइएको छ । लामा जनयुद्धकाल देखिनै गीत संगित गाउँथे । उनी अहिले विप्लव नेतृत्वको अखिल नेपाल जनसांस्कृतिक महासंघका अध्यक्ष समेत हुन् ।