त्रिविका सयहायक डिन ५० हजार घुससहित पक्राउ

काठमाडौं । त्रिभुवन विश्व विद्यालयका एकजना डीन घुससहित बुधबार पक्राउ परेका छन् । अख्तियार दुरुपयोग अनुसन्धान आयोगको टोलीले बुधबार त्रिवि विज्ञान संकायका सहायक डिन प्रोफेस डाक्टर शम्भुप्रसाद पटेललाई ५० हजार रुपैयाँ घुससहित पक्राउ गरेको हो ।

कलेजको सम्बन्धका लागि घुस मागेको उजुरीपछि पछ्याएको अख्तियारले बुधबार उनलाई पचास हजार घुसबापतको रकम लिइसकेको अवस्थामा उक्त घुस रकम सहित किर्तिपुर ट्यङ्लाफांट स्थित स्टिकस फास्ट फुड एन्ड क्याफेबाट नियन्त्रणमा लिएको प्रवक्ता प्रदीपकुमार कोइरालाले जानकारी दिएका छन् ।

अख्तियारको विज्ञप्तिः
मिति २०७६।०३।०४ गते

त्रिभुवन बिश्व बिद्यालय किर्तिपुर, बिज्ञान संकायका सहायक डिन प्रो.डा.शम्भु प्रसाद पटेललाई घुस रकम सहित नियन्त्रणमा लिइएको 
त्रिभुवन विश्वविद्यालय किर्तिपुर, बिज्ञान संकायका सहायक डिन प्रो।डा।शम्भु प्रसाद पटेलले कलेजको सम्बन्धन नवीकरण गराईदिने भनी घुस–रिसवत माग गरिरहेको भन्ने सूचना एवं उजुरीको आधारमा अख्तियार दुरुपयोग अनुसन्धान आयोगको कार्यालय टङ्गालबाट खटिई गएको टोलीले निज शम्भु प्रसाद पटेललाई सेवाग्राहीसँग रू।५०,०००।– (अक्षरुपी पचास हजार) घुसबापतको रकम लिइसकेको अवस्थामा उक्त घुस रकम सहित किर्तिपुर ट्यङ्लाफांट स्थित स्टिकस फास्ट फुड एन्ड क्याफेबाट नियन्त्रणमा लिई अनुसन्धान भइरहेको छ ।

प्रदीपकुमार कोइराला
प्रवक्ता