हिले दौड : सोनी र विकासलाई उपाधि

धादिङ । राष्ट्रिय धान दिवसको अवसरमा विर्ताबेसीमा खुल्ला हिलेदौड प्रतियोगिता सम्पन्न भएको छ।

आइतबार भएको धान दिवसको अवसरमा राष्ट्रिय खेलको संरक्षण गरी हिलो र माटोसँग किसानको सम्बन्ध स्थापित गर्न आयोजना गरिएको प्रतियोगितामा हिलोतर्फ नलाङका सोनी गुरुङ प्रथम, धुनीबेसीका रसिला तामाङ द्वितीय र ललितपुरका निरजला ताम्राकार तृतीय भएको छ।

यसैगरी पुरुषतर्फ सङ्खुवासभाका विकास राई प्रथम, कैलालीका किरण मल्ल द्वितीय र नेपालगञ्जका खिमबहादुर खत्री तृतीय भए। प्रतियोगितामा प्रथम, द्वितीय र तृतीय हुनेलाई क्रमश ५० हजार, ३० हजार र २० हजारसहित सिल्ड र कप प्रदान गरिएको छ।

जिल्ला समन्वय समितिका प्रमुख जगन्नाथ नेपालले तीन सय मिटर हिलो खेतमा दौड प्रतियोगितामा भाग लिनेलाई पुरस्कार वितरण गरे। प्रतियोगितामा हिलोतर्फ २३ जना महिला र ८२ जना पुरुषले सहभागिता जनाएका थिए।

जसमा एक जना विदेशी नागरिकसमेत रहेका थिए। राष्ट्रिय लोक खेल संरक्षण तथा अनुसन्धान सङ्घका अध्यक्ष किरण श्रेष्ठको अध्यक्षतामा सम्पन्न समारोहमा पञ्जबाजासहित दही चिउरा खुवाएर कार्यक्रम सम्पन्न गरिएको थियो।