भारतीय मिडियामा चीन र भारतलाई जोड्ने भनिएका नेपाली सडक कोरिडरका चर्चा

काठमाडौँ । नेपालका तीन सडक कोरिडोरहरु चीन, भारत र नेपालबीचको सम्बन्ध सेतुको बन्न सक्ने बताइएको छ ।

बीबीसी हिन्दीको अनलाइन संस्करणमा नेपालका ती कोरिडोर चीन र भारतलाई सम्पर्क गराउने विकल्प हुनसक्ने उल्लेख गरिएको छ ।
समाचारमा नेपालका तीन सडक कोरिडोरहरुबारे निम्न कुरा गरिएको छः

चिनियाँ राष्ट्रपति सी जिनपिङ नेपाल भ्रमणमा आएको समयमा चीन र नेपालबीच कयैन सम्झौताहरु भए । सीको भ्रमणपछि चीन र नेपालबीच पुलको काम गर्ने मानिएका नेपालका तीन सडक कोरिडोरको चर्चा पुनः सुरु भएको छ ।

सीको भ्रमणको बेला नेपालको विदेश मन्त्रालयले जारी गरेको एक संयुक्त वक्तव्यमा चीनले कोसी, गण्डकी र कर्णाली कोरिडोरको निर्माणमा प्रतिबद्धता जनाएको उल्लेख छ ।

नेपालले तीन सडक कोरिडोरमध्ये अहिले कालिगण्डकी कोरिडोरमा ध्यान लगाइरहेको छ । तर नेपालद्वारा जारी संयुक्त वक्तव्यपछि चीन र भारतलाई जोड्ने अन्य सडक कोरिडोर निर्माणमा पनि चीनले आर्थिक सहयोग गर्ने आशा गरिएको छ ।

बीआरआईका माध्यमले चीन सम्पूर्ण हिमालय क्षेत्रमा बन्दरगाह, सडक, रेलवे र विमानस्थल निर्माण गर्न चाहिरहेको छ ।

कस्तो छ कोरिडोरको वर्तमान अवस्था
नेपालले पहिले नै बीआरआई परियोजनाको लागि हस्ताक्षर गरिसकेको छ । अधिकारीको भनाइमा यो योजनामा तीन सडक कोरिडोर सामेल हुनेछ ।

कोसी, कालिगण्डकी र कर्णाली कोरिडोरका कयैन सडकलाई राम्रो बनाउने काम जारी छ ।

त्यस्तै केही स्थानमा सहायक सडकहरुको संजालको विस्तार गर्ने लक्ष्य पनि छ । नेपाल सरकारको ती सकडहरु दुई लेनमा विस्तार गर्न चाहन्छ ।

कोसी कोरिडोरः

कोसी कोरिडोरको लम्बाई ३४० किमी छ । यसले नेपाल–भारतको सिमाना मोरङको जोगबनी हुँदै दमक, धनकुटा, तेह्रथुम, खाँदवारी, सङ्खुवासभाको सदरमुकामदेखि नेपाल–चीन सिमाना किमाथान्कालाई जोड्छ ।
सडक विभाग अन्तर्गतको उत्तर–दक्षिण व्यापार मार्ग विस्तार निर्देशनालयका प्रमुख शिव नेपालको भनाइमा सडक १४ किमी भाग अझै खोल्न बाँकी छ ।

उनका अनुसार यो क्षेत्र चट्टानी भएकाले नेपाली सेनालाई ट्रयाक खोल्ने जिम्मा दिइएको छ ।

उनका अनुसार यो इलाका चट्टानी छ जसको कारणले नेपाली सेनालाई ट्रयाकको जिम्मेवारी दिने फैसला गरिएको छ ।

यसका साथै सडकलाई अन्य क्षेत्रमा चौडा बनाउन पनि आवश्यक छ ।

कालिगण्डकी कोरिडोरः

कालिगण्डकी कोरिडोरको लम्बाई ४३५ किमी छ । यो भारतीय सीमा क्षेत्रमा रहको नवलपरासी हुँदै चीनको उत्तरी इलाका कोरलासँग पुग्छ ।

कालिगण्डकी कोरिडोरको राम्दी–रीरी खण्डको नजिक चट्टानी क्षेत्रमा ट्रयाकलाई अझै खोल्न बाँकी छ ।

अधिकारीहरुको भनाइमा अन्य क्षेत्रमा सडकलाई चौडा गरिँदैछ ।

कर्णाली कोरिडोर

भारत र चीनलाई जोड्ने तीन कोरिडोरमा यो सबैभन्दा लामो कोरिडोर हो । यो कोरिडोर बनेपछि सडकको लम्बाई ६८२ किमी हुनेछ ।

राज्य सरकारको लागि सडकको २२ किमीको ट्रयाक खोल्न प्राथमिकता छ । केही हिस्सामा नेपाली सेनाले बाँकी ट्रयाक खोल्ने काम गरिरहेको बताइन्छ, जबकि केही हिस्सा सडक विभागले स्वयम् काम गरिरहेको छ ।

आयोजनाका कठिनाइ
शिव नेपालको भनाइमा अहिले यी तिनै सडक कोरिडोरको निर्माणको काम तीव्रताका साथ चलिरहेको छ ।

यही आर्थिक वर्षको अन्त्यसम्म तीन सडक संजाल खोलिने उनले बताए ।

नेपालको माध्यमबाट भारत र चीनलाई जोड्ने यी तीन सकड संजालको उपयोग व्यापार मार्गको रुपमा गर्न सकिन्छ । यो सडक संजाललाई नेपालमा राष्ट्रिय गौरवको आयोजना मानिएको छ ।

परियोजना प्रमुख नेपालका अनुसार यी परियोजनाले कयैन कठिनाइको सामना गर्नुप-यो ।

‘पहिलो त सकड निर्माण कार्य उच्च पर्वतीय क्षेत्रमा भइरहेकाले श्रमिकलाई टिकाइराख्न चुनौतीपूर्ण छ ,’ नेपालले भने ।

त्यस्तै अघिल्लो वर्षसम्म विस्फोटक पदार्थको कमीको कारणले समस्या भोग्नु परेको थियो । अहिले उक्त समस्या हल भएको उनले बताए ।