सल्यानको शारदा नगरपालिकामा थप २ जनामा कोरोना पुष्टि

बिनिता शर्मा,सल्यान । शारदा नगरपालिकाका क्वारेन्टाइनमा बसेका नगरबासीहरुको पछिल्लो चरणमा गरिएको पिसिआर टेस्टको नतिजा अनुसार थप २ जनामा कोरोना सङ्क्रमन पुष्टि भएको नगरपालिकाले जनाएको छ।

यहि साउन २ गते २७ जनाको स्वाव सङ्कलन गरि नेपालगंज स्थित प्रयोगशालामा पठाइएकोमा २ जनामा कोरोना सङ्क्रमन पुष्टि भएकोहो।यो संगै नगर भित्र कोरोना सङ्क्रमितको सङ्ख्या ६ पुगेकोछ।

नगरका कोरोना फोकल पर्सन रबिन बिस्टका अनुसार कोरोना पुष्टि हुनेहरु १ जना शा न पा २ र अर्का १ जना शा न पा १५ का रहेका छन।कोरोना पुष्टि हुनेहरु २ नम्वर वडाका साउदी र १५ नम्बर वडाका कतारबाट घर फर्किएका हुन।

शारदा नगरपालिकामा यसअघि गरिएको पिसिआर टेस्टमा ४ जनामा कोरोना पुष्टि भैसकेको छ।उनिहरु मध्य ३ जना निको भैसकेका छन भने १ जना अहिलेपनी आइसोलेसनमा छन।
शारदा नगरपालिकाले भारत र तेस्रो मुलुकबाट नगरमा प्रवेश गरि क्वारेन्टाइनमा बसेका ५ सय १७ जनाको हालसम्म पिसिआर टेस्ट गरिसकेको शारदा नगरपालिका सल्यानका नगर प्रमुख शुरेस अधिकारीले बताउँनुभएको छ।