सिडेन उपाध्यक्षमा पदमा ई. मन्दिप सुवेदीको उम्मेदवारी

यही पुष ४ गते शनिबार हुन गइरहेको सेन्टर फर डेमोक्रेटिक इन्जिनियर्स नेपाल (सिडेन) को छैठौं केन्द्रीय कार्यसमितिको निर्वाचनमा ई. मन्दिप सुवेदीले उपाध्यक्ष पदमा उम्मेदवारी दिएका छन् ।
“ पेशागत मर्यादामा जोड, अनुभव र उर्जाको संयोग ” भन्ने नारा सहित सुवेदीले ई. ध्रुबराज थापाको प्यानलबाट उपाध्यक्ष पदमा उम्मेदवारी दिएका हुन् ।
नेपाल जियो टेम्निकल सोसाइटीका महासचिव समेत रहेका सुवेदी एक दशकदेखि इन्जिनियरिङ्ग क्षेत्रमा आबद्ध छन् ।

नेपाल इन्जिनियर्स एशोसिएसनको ३० औं कार्यसमिति निर्वाचनमा सबैभन्दा बढी मत ल्याएर विजयी सुवेदले नेपाली इन्जिनियहरुलाई अन्र्तराष्ट्रियस्तरको बनाउँदै नेपाली इन्जिनियहरुको पेशागत हक, हित बढाउन आफुले उपाध्यक्षमा उम्मेदवारी दिएको बताए ।

को हुन् मन्दिप सुवेदी ?

सुवेदी नेपालको इन्जिनियरिङ्ग क्षेत्रका एक हस्ती हुन् । विकट जिल्ला रोल्पामा जन्मिएका सुवेदी अध्यापन र व्यवसायमा संलग्नता रहेको छ । सुवेदीले जियो टेक्निकल इन्जिनियरिङ्गमा मास्टर गरेका छन् ।

सात वटै प्रदेशमा यही शनिबार हुन गइरहेको सिडेनको निर्वाचनबाट १ अध्यक्ष सहित उपाध्यक्ष, महासचिव, उपमहासचिव, कोषाध्यक्ष र १३ जना कार्यकारी सदस्य सहित कुल १८ जनाकोे केन्द्रीय कार्यसमितिको चयन हुँदैछ ।