नारायणकाजीको क्षेत्रमा माओवादीबाट निर्वाचित जनप्रतिनिधी काँग्रेसमा प्रवेश

गोरखा । नेकपा माओवादी केन्द्रका नेता नारायणकाजी श्रेष्ठकै क्षेत्रका एक जना जनप्रतिनिधी नेपाली काँग्रेसमा प्रवेश गरेका छन् । गोरखा क्षेत्र नम्बर २ को सिरानचोक गाउँपालिका वडा नम्बर ७ का वडासदस्य क्याप्टेन कुमार गुरुङ मंगलबार नेपाली काँग्रेसमा प्रवेश गरेका हुन ।

उनलाई नेपाली काँग्रेसका केन्द्रिय सदस्य सुरेन्द्रराज पाण्डेले पार्टी सदस्यता प्रदान गर्दै काँग्रेसमा भित्राएका हुन । गएको स्थानीय तह निर्वाचनमा नेकपा माओवादीबाट गुरुङ वडा सदस्यमा निर्वाचित भएका थिए ।

कम्युनिष्ट पार्टीले जनताको आशा र भरोसा तोडेको र विश्वास समेत गुमाउदै गएको भन्दै आफु काँग्रेसमा लागेको उनले बताएका छन् ।

रोणीदेव घिमिरेको अध्यक्षतामा नेपाली काँग्रेसले आयोजना गरेको संगठन सुदृढिकरण तथा कार्यकर्ता प्रशिक्षण कार्यक्रममा केन्द्रिय सदस्य पाण्डेको प्रमुख आतिथ्यता रहेको थियो ।

कार्यक्रममा गण्डकी प्रदेशका साँसदद्धय प्रकाशचन्द्र दवाडी, मनकुमारी गुरुङ, काँग्रेसका क्षेत्रिय सभापति गोविन्द गुरुङ, सिरानचोक गाउँपालिकाका अध्यक्ष राजु गुरुङ, उपाध्यक्ष रीता देवकाेटा, गोरखा नगर सभापति चन्दनबाबु खत्री, जिल्ला सदस्य मिना अधिकारी, आमन्त्रित सदस्य शेखर ढकाल, रुप बहादुर गुरुङ, महिला संघकी पूर्व केन्द्रिय सदस्य रविकला खनाल, जिल्ला कमिटी सल्लाहकार प्रदिपबाबु ढकाल, वडाध्यक्ष सुरज ढकाल लगायतले प्रशिक्षणमुलक मन्तब्य राखेका थिए ।