प्रकाशित मिति : सोमवार, जेष्ठ ३१, २०७८
सप्तरी । सप्तरीको हनुमाननगर कंकालिनी नगरपालिका-१ कोशी व्यारेजस्थित पूर्व-पश्चिम लोकमार्गबाट सशस्त्र प्रहरीले करीब ९ लाख ८२ हजार रुपैयाँ बराबरको मदिरासहित एक जनालाई आइतबार पक्राउ गरेको छ ।
पक्राउ पर्नेमा सुनसरी जिल्लाको रामधुनी नगरपालिका-३ बस्ने केशव विश्वकर्मा रहेका छन् ।
प्रदेश १-०२-००१ ख ८६६० नम्बरको आईचर गाडीमा अवैध रुपले ल्याउँदै गरेको उल्लेखित मुल्य बराबरको १ हजार १ सय ५० कार्टुन मदिरासहित उनलाई सशस्त्र प्रहरी बल नेपाल सुरक्षा वेश भारदहबाट खटिएको सशस्त्र प्रहरीले पक्राउ गरेको हो । त्यसवेला सशस्त्र प्रहरीले उक्त गाडी समेत बरामद गरेको छ ।
पक्राउ परेका विश्वकर्मालाई बरामद मदिरा तथा गाडीसहित आवश्यक कारवाहीको लागि भन्सार कार्यालय राजविराजमा बुझाईएको सशस्त्र प्रहरी जनाएको छ ।
© copyright 2016-2019 and all right reserved to jaljalakhabar | Site By : sobij
