विश्वप्रसिद्ध धावक मिल्खा सिंहको निधन, ५ दिन अघिमात्र पत्नीको पनि निधन भएको थियो

५ दिनअघि मात्र उनकी पत्नी निर्मल कौरको पोस्ट कोभिड कम्प्लिकेसनका कारण निधन भएको थियो । मिल्खाको चण्डीगढस्थित पीजीआइएमइआरमा १५ दिनदेखि उपचार भइरहेको थियो । उनलाई ३ जूनमा अक्सिजन लेभल घटेपछि आइसीयूमा भर्ना गरिएको थियो । २० मेमा उनको कोरोना रिपोर्ट पोजेटिभ आएको थियो ।

भारतीय प्रधानमन्त्री नरेन्द्र मोदी, गृहमन्त्री अमित शाह लगायतले मिल्खालाई श्रद्धाञ्जली दिएका छन् । प्रधानमन्त्री मोदीले आफूहरुले एक शानदार खेलाडी गुमाएको बताएका छन् । मिल्खाले असंख्य भारतीयको मनमा आफ्नो विशेष स्थान बनाएको बताउँदै मोदीले मिल्खाको व्यक्तित्वले उनलाई लाखौंको प्रिय बनाएको बताएका छन् ।