प्रकाशित मिति : बिहिबार, साउन १४, २०७८
काठमाडौं । लगातारको बर्षाका कारण आएको बाढीले नुवाकोटको बट्टारबाट विदुर जाने सडकको खोल्साको पुलमा क्षति गरेको छ ।
पुलमा क्षति पुगेसँगै सडक बन्द हुँदा बट्टारबाट जिल्ला सदरमुकामसहित विभिन्न पालिका र रसुवा जाने यातायातको सेवा रोकिएको छ ।
गएराति करिब ९ बजे पुलको जगमा क्षति पु¥याएसँगै सडक पूर्णरूपमा अवरुद्ध भएको जिल्ला प्रहरी कार्यालय नुवाकोटले जनाएको छ ।
पुल भासिँदा यात्रुलाई समेत आउजाउ गर्न कठिन भएको छ । बाटो खुलाउने प्रयास भइरहेको सडक डिभिजन कार्यालय रसुवाले जनाएको छ ।
© copyright 2016-2019 and all right reserved to jaljalakhabar | Site By : sobij
