प्रकाशित मिति : शुक्रबार, साउन १५, २०७८
काठमाडौं । ललितपुर महानगरपालिकामा आजदेखि ४५ वर्षमाथिका नागरिकलाई कोरोनाविरुद्धको भेरोसेल खोप लगाइने भएको छ ।
भेरोसेलको पहिलो डोज लगाउन महानगरका सबै २९ वडा कार्यालयमा खोप केन्द्र तोकिएको छ । आजदेखि पर्सिसम्म खोप कार्यक्रम संचालन हुनेछ ।
४५ वर्षमाथिका नागरिकले आ–आफ्नो वडा कार्यालयमा सम्पर्क गरेर उमेर खुल्ने परिचयपत्रको आधारमा खोप लगाउन पाउनेछन् ।
महानगरका अनुसार १८ गते सोमबारदेखि जोन्सन एन्ड जोन्सनको खोप पनि लगाइनेछ । यसका लागि छिट्टै खोप तालिका सार्वजनिक गरिने महानगरले जनाएको छ ।
© copyright 2016-2019 and all right reserved to jaljalakhabar | Site By : sobij
