उपत्यकाकाे लकडाउन खुकुलाे पारियाे, भाेलिदेखि फिल्म हल खुल्ने

काठमाडाैं।  लामो समयदेखि बन्द रहेको चलचित्र क्षेत्र खुल्ला गरिने भएको छ। काठमडौं उपत्यकाका तीन वटै प्रमुख जिल्ला अधिकारी (प्रजिअ)हरुको आजको बैठकले उक्त निर्णय गरेको ।

ललितपरका प्रमुख जिल्ला अधिकारी ढुण्डी प्रसाद निरौलाले लकडाउनलाई खुकुलो बनाउने निर्णय गरेको जानकारी दिए। डिसी नेपालसँग कुरा गर्दै उनले पछिल्लो समयमा भएका संक्रमित, कोरोना संक्रमणको दर, पोजेटिभिटी सबै कुरालाई विश्लेष्ण गरेर लकडाउन खुकुलो बनाउँने निर्णय गरिएको जानकारी दिए।

उनका अनुसार अझै पनि भीडभाड हुने खालका सभा सम्मेलन गर्न पाइने छैन। स्वास्थ्य तथा जनसंख्या मन्त्रालयले जारी गरेको स्मार्ट लकडाउनको प्रोटोकललाई पालना गरेर जात्राहरु मनाउन पाइने छ।

विद्यालयको हकमा भने स्मार्ट लकडाउनको पालना गरी स्थानीयतहहरुले जिल्ला कोभिड संकट व्यवस्थापन सँगको सहकार्यमा खोल्न सक्ने बताइएको छ।

निरौलाका अनुसार हरेक व्यक्ति तथा समूहहरुले स्मार्ट लकडाउनको प्रोटोकललाई अनिवार्य पालना गर्नु पर्ने भएको छ।