लता मंगेशकरको स्वास्थ्य अवस्था बिग्रियो, भेन्टिलेटरमा उपचार हुँदै

एजेन्सी । विश्व प्रशिद्ध भारतीय गायिका लता मंगेशकरको स्वास्थ्य अवस्था बिग्रिएपछि भेन्टिलेटर सपोर्टमा राखेर उपचार भइरहेको छ ।

कोरोना संक्रमणपछि न्यूमोनिया भएर केही समयअघि उहाँको स्वास्थ्यमा सुधार आएको थियो । तर पुनः अचानक स्वास्थ्य अवस्था बिग्रिएपछि लतालाई भेन्टिलेटर सपोर्टमा राखिएको चिकित्सकहरूले बताएका छन् ।

गत जनवरी ८ देखि मुम्बइको मशहूर ब्रिच कैंडी अस्पतालमा भर्ना गरेर उहाँको उपचार भइरहेको छ । लताको उपचारमा संलग्न चिकित्सक डाक्टर प्रतीत समदानीले अहिलेसम्म आईसीयूमा राखेर उपचार गरिरहेको भए पनि भेन्टिलेटरमा राख्नुपर्ने अवस्था आएको जानकारी गराउनुभएको छ ।

गलत सूचना नफैलियोस भनेर उपचारमा संलग्न चिकित्सकहरूले उहाँको स्वास्थ्य अवस्थाबारे सञ्चार माध्यमलाई निरन्तर जानकारी दिइरहेका छन् । भारत रत्नले सम्मानित स्वर कोकिला लता मंगेशकरको जन्म सन् १९२९ मा भएको थियो । उहाँ ९२ बर्षको हुनुहुन्छ ।