प्रकाशित मिति : शनिबार, असार ४, २०७९
दाङबाट जाजरकोट जाँदै गरको ट्रक दुर्घटनामा परेको छ। शनिबार बिहान ना ४ ख ९७६१ नम्बरको मालबाहक ट्रक सुर्खेतमा दुर्घटनामा परेको हो।
गुर्भाकोट नगरपालिका–९ स्थित भालुखोला चौपारी डाँडामा ट्रक दुर्घटनामा परेको जिल्ला प्रहरी कार्यालय सुर्खेतले जनाएको छ।
जिल्ला प्रहरी कार्यालय सुर्खेतका प्रवक्ता प्रहरी नायव उपरीक्षक सुरज कार्कीका अनुसार ट्रक सडकभन्दा ५० मिटर तल खसेको छ।
उक्त ट्रक मुनि २ जना मानिस च्यापिएको प्रहरीले जनाएको छ। उनीहरु गाडीका चालक–सहचालक हुन् वा अरु कोही हुन् भन्ने खुल्न बाँकी छ।
‘हामीले क्रेन पठाएका छौं, त्यो ट्रक उचालेर निकालेपछि मात्र यस बारेमा पुष्टि होला। अहिले दुई जना च्यापिएको भन्ने खबर मात्र आएको छ,’ डिएसपी कार्कीले भने।
दाङबाट सिमेन्ट र र सरिया लोड गरी उक्त ट्रक जाजरकोटका लागि छुटेको हो।
भएको
© copyright 2016-2019 and all right reserved to jaljalakhabar | Site By : sobij
