विद्यालयको जग्गा जोगाउन वडाध्यक्ष शंकर खड्काले आँफै हलो जोते

देविराम कुसारी। तुलसीपुर उपमहानगरपालिका वडा नम्वर १४ का वडा अध्यक्ष शंकर खड्काले विद्यालयको जग्गा संरक्षण गर्न आफै हलो लिएर खेत जोतेका छन् ।

वालमितेरी माध्यमिक विद्यालयको जग्गा संरक्षणका लागि वडाध्यक्ष खड्काको नेतृत्वमा करिव पौन एक विघा खेतमा धान रोपिएको छ ।
विद्यालयको दर्ता श्रेस्ता रहेको खेतमा धान रोप्न स्थानीय चित्रबहादुर रेग्मीले रोक लगाएपछि विद्यालय र अभिभावकको संयुक्त निर्णय अनुसार खेतमा धान रोपिएको वडाध्यक्ष खड्काले बताए ।

केही वर्षदेखि विद्यालयले भोग चलन गर्दै आएको जग्गामा यो बर्ष रेग्मी परिवारले किसानलाई खेती गर्न रोक लगाए पछि विद्यालय परिवारले आँफै निर्णय गरेर वडाध्यक्षको नेतृत्वमा हलो जोतेर धान रोपिएको हो ।

शिक्षक जंगविर केसीले वडा नम्वर १५ मा पर्ने नक्सा नम्वर ७ क कित्ता नम्वर ३०४ र वडा नम्वर १४ को नक्सा ९ छ कित्ता नम्वर १७ को सीमा क्षेत्रमा पर्ने करिव पौने विगाह जग्गामा धान रोपिएको बताए ।

विद्यलय व्यवस्थापन समितिका अध्यक्षसमेत रहेका वडाध्यक्ष खड्काले लामो समयदेखि सो जग्गा विद्यालयले भोगचलन गर्दै आएको र दर्ता भएको हुदा आफुहरुले विद्यालयको तर्फवाट जोतेको प्रतिक्रिया दिए ।

रेग्मी परिवार र विद्यालयका बीच उक्त जग्गा बारे विवाद रहेको रेग्मी परिवारका विश्वास रेग्मीले दाबी गरे ।
विद्यालयले भन्दा पहिला आफ्नो परिवारले भोगचलन गरेको र दर्ता प्रमाणपत्र समेत अफुहरुसंग रहेको हुँदा त्यो जग्गा आँफुहरुको भएको रेग्मीले दाबी गरे ।

खोत भोगचलनको निर्णय एकल नभएर विद्यालय तथा अभिभावकले गरेको हुदा जग्गा आफ्नो भएको प्रमान सहित रेग्मी परिवार आए विद्यालय मान्न तयार रहने अध्यक्ष खड्काले स्पष्ट पारे ।

धान रोपाई कार्यक्रममा विद्यालयका प्रधानाध्यपक ओमप्रकास वली, लेखापाल चुर्णबहादुर वस्नेत, हिमलाल चौधरी, शिक्षक सन्तोष परियार, स्थानीय अग्रज तथा समाजसेवी महाविर चौधरी लगाएत स्थानियवासीको सहभागिता रहेको थियो ।

खड्का नेपाली काँग्रेसका नेता हुन ।