अवैध काठसहित चार जना पक्राउ

दाङ ।    दाङको राप्ती गाउँपालिका वडा नम्बर ९ देवीकोटबाट अवैध सालको काठसहित चार जना पक्राउ परेका छन् । पक्राउ पर्नेमा राप्ती गाउँपालिका वडा नं।९ बस्ने कुल्लु मियाका छोरा २२ वर्षीय सुल्तान मिया, सोही ठाउँ निवासी लोक बहादुर बरालका २६ वर्षीय छोरा जुद्ब बहादुर बराल, लाल फुन्जा मगरका छोरा ४४ वर्षीय तिलबहादुर फुन्जा मगर, जिवलाल रोकाका छोरा ३६ वर्षीय टोपबहादुर रोका रहेका छन् ।

उक्त काठसहित काठको बिड भएको बन्चरो २ थान, फलामको गल २ थान हाते आरा २ थान बरामद गरि डिभिजन वन कार्यालय दाङ (देउखुरी) लाई बुझाएको प्रहरीले जानकारी दिएको छ । अवैध काठ काट्नेहरुको संख्या अझै धेरै छ भन्ने हामीले सुचना प्राप्त गरेका छौं, त्यसैले हामी कार्यालय प्रमुख सहितको टोली घटनास्थलमै छौं र उनीहरुको खोजि कार्य भैरहेको छ’– डिभिजन वन कार्यालय दाङ (देउखुरी) का सुचना अधिकारी छोटेलाल चौधरीले भने ।