महोत्सवमा दुर्गेश र भूमिकाले तताए माहोल, दर्शक देखि आयोजक सम्म झुमे

बिनिता शर्मा,बाँके । बाँकेको नेपालगञ्जमा जारी महोत्सवमा आज चर्चित राष्ट्रिय स्तरका गायक र गायिकाले बेजोड प्रस्तुतिका साथ माहोल तताएका छन । उनीहरुले दर्शकलाई भरपुर मनोरञ्जन दिदैँ नचाएका हुन ।

नेपालगञ्जको कारकादो स्थित सडक डिभिजन परिसरमा जारी चौथो प्रादेशिक औद्यौगिक लघु, घरेलु तथा कृषि, प्रविधि, व्यापार एवं पर्यटन महोत्सवमा बिहीबार गायक एवं मोडल दुर्गेश थापा र लोक गायिका भूमिका गिरीले दर्शक र आयोजकलाई समेत स्टेजमा नचाएका छन ।

गायक थापाले आफ्ना बिभिन्न व्यापक चर्चा पाएका गीतहरु प्रस्तुत गर्दै दर्शकलाई मनोरञ्जन दिदै नचाएका हुन । उनले कि दुर्गेश रेलमा कि दुर्गेश जेलमा, रातो रातो खुर्सानी पिरो छ, घमण्डी ब्रो, तीज गीत बीच बीचमा १-२, हप्पी तिहार, डन आयो डन लगायतका गीत पस्किदै नचाएका हुन ।

यस्तै, लोक गायिका भूमिका गिरीले टिकटकमा ब्यापक भाइरल गीत र आफुलाई देश, बिदेश सम्म चिनाएका गीतहरु प्रस्तुत गरेकी छन । उनलाई बिदेश सम्म चिनाएको तिउन बनाउने चुकैले बोलको गीत समेत प्रस्तुत गर्दै दर्शकले यती धेरै मन पराईदिएकोमा आभार समेत व्यक्त गरेकी थिइन । उनले आफु नेपालगञ्ज पाचौँ पटक आएको बताइन । उनले आफुलाई नेपालगञ्ज असाध्यै मन पर्ने ठाँउहरु मध्ये रहेको बताइन । उनले आफ्ना बिभिन्न लोक गीतहरु प्रस्तुत गरेकी थिइन ।

उनीहरुको बेजोड प्रस्तुतिले दर्शकले आफुलाई नाच्नबाट रोक्न सकेका थिएनन् । उनीहरुको प्रस्तुतिले माहोल तातिए पछि आफुहरु थाकेपनि दर्शकको मन भने भरिएको थिएन । चारै तिरबाट वन्स मोरको आवाज गञ्जमान भएपछि दर्शकको भावनालाई कदर गर्दै भरपुर मनोरञ्जन दिएका थिए ।

आज स्थानिय गायक अशोक रावलको समेत प्रस्तुति रहेको थियो भने कार्यक्रम उद्धोषक सञ्जय देवकोेटा र उद्धोषिका प्रेरणा गिरीले संचालन गरेका थिए ।

यस्तै, दर्शकको थप मनोरञ्जन र स्थानिय कलाकारको उत्पादन गर्ने उद्देश्यका साथ लुम्बिनी प्रदेश स्तरीय नृत्य प्रतियोगिता भईरहेको छ । आज भएको सेमीफाइनल प्रतियोगितामा १८ जना प्रतिस्पर्धी फाइनलमा पुगेका छन । अब भोलि शुक्रबार १८ जना बीच फाइनल राउण्डमा प्रतिस्पर्धा हुनेछ । महोत्सवमा एस एम कला केन्द्र ग्रुपको समेत प्रस्तुति रहेको थियो ।

यस बाहेक दर्शकको मनोरञ्जनका लागि महोत्सव परिसर भित्र नेपालमै उत्पादित खाद्य वस्तुका स्टल, बाल उद्यान, थारु होमस्टे र थारु गाँउमा अवलोकन गरेर बिभिन्न थारु परिकारको समेत छुट्टै मजा लिनसक्ने छन ।

नेपाल घरेलु तथा साना उद्योग महासंघ बाँके र शिवालय सेक्युरिटी तथा मल्टीपर्पोज कम्पनी प्रा. लि.को संयुक्त आयोजनामा जारी महोत्स अब दुई दिन मात्र बाँकी रहेको छ ।

महोत्सवलाई फलो मि इभेन्ट म्यानेजमेन्ट प्रा.लि.ले व्यवस्थापन गरिरहेको छ ।