प्रकाशित मिति : सोमवार, असार १८, २०८०
पर्वत । कालीगण्डकी करिडोर अन्तर्गत म्याग्दी र मुस्ताङलाई जोड्ने मालढुंगा–बेनी सडक अवरुद्ध भएको छ ।
पर्र्वतको जलजला गाउँपालिका– ८ नाङलीवाङको ज्यामिरेमा सडक माथिबाट आएको पहिरोले पुरिएर आइतबार रातीदेखि सडक अवरुद्ध बनेको हो ।
बिहानदेखि पहिरो पन्छाउने प्रयास भएपनि अझै केही समय लाग्ने प्रहरीले जनाएको छ । बिहान वर्षा रोकिएपछि पहिरो हटाउने काम भइरहेको जिल्ला ट्राफिक प्रहरी कार्यालय पर्वतका प्रमुख सुमन न्यूरेले जानकारी दिनुभयो ।
सवारी साधन तथा यात्रुलाई बागलुङ तर्फको वैकल्पिक बाटो प्रयोग गर्न आग्रह गरिएको छ ।
© copyright 2016-2019 and all right reserved to jaljalakhabar | Site By : sobij
