बाल सुधारगृह भक्तपुरबाट २९७ जना थुनुवा फरार

काठमाडौँ । भक्तपुरको सानो ठिमीस्थित बालसुधार गृहबाट ठुलो संख्यामा थुनुवा फरार भएका छन् । प्रहरीका उच्च स्रोतका अनुसार उक्त स्थानबाट २९७ जना थुनुवा फरार भएका हुन् । उनीहरु कसरी फरार भएभन्ने यकिन हुन सकेको छैन ।

उक्त सुधार गृहमा ‘नाबालक बन्दी’ को शङ्कास्पद मृत्यु भएको थियो । रामेछाप जिल्ला मन्थली नगरपालिका घर भएका १८ वर्षीय कमल बस्नेतको आइतबार बिहान मृत्यु भएको हो ।

सुधार गृहका कर्मचारीले उनलाई स्वास्थ्यमा समस्या देखिएको भन्दै नागरिक सामुदायिक अस्पताल लगे पनि अस्पताल पुग्नुअघि नै उनको मृत्यु भएको परिवारका सदस्यहरूले दाबी गरेका थिए ।

अदालतको आदेशले बस्नेत २०७७ सालदेखि बाल सुधार गृहमा थिए । थुनुवाहरु तोडफोडसहित फरार भएपछि नियन्त्रणमा लिन प्रहरीले गोली समेत चलाएको थियो ।