सशस्त्रले गर्यो रातको २ बजे बाग्मती नदिबाट एक ब्यक्तिको उद्धार

बिनिता शर्मा,काठमाडौ। सशस्त्रले गर्यो रातको २ बजे बाग्मती नदिबाट एक ब्यक्तिको उद्धार गरेको छ।

सशस्त्र प्रहरी बल नेपालले असोज ३ गते राती २ बजे बाग्मती नदिबाट एक ब्यक्तिको सकुशल उद्धार गरेको छ । काठमाडौको दक्षिणकाली नगरपालिका ८ कटुवाल दह स्थित बाग्मती नदि किनारबाट सोही वडाको सिम्पानी राई टोल बस्ने
४० बर्षका रामबहादुर लामाको उद्धार गरिएको हो ।

पानीको बहाव कम भएको बेला नदि पारी गएका लामा बहाव बढेसंगै वारि आउन नसकी नदि किनारको पहरामा फसेका थिए ।

सो बारे खबर प्राप्त भएपश्चात सशस्त्र प्रहरी बल नेपाल नं. २० बिपद्उ द्धार उपत्यका गणबाट सशस्त्र प्रहरी निरीक्षक नारायण गुरूङ्गको कमाण्डमा ९ जना र सशस्त्र प्रहरी बल नेपाल नं. १८ निलबाराही गण कीर्तिपुरबाट सशस्त्र प्रहरी निरीक्षक सन्तोस के.सी.को कमाण्डमा गएको १५ जना सहितको सुरक्षा फौजले रातको समयमा उनको सकुसल उद्धार गरेको हो ।

मोटरबोट सहित गएको फौजले रोप रेस्क्यु र अन्य बिधिको प्रयोग गरि उद्धार गरेपश्चात लामालाई आफन्तको जिम्मा लगाइएको, सशस्त्र प्रहरी बल प्रधान कार्यालय हल्चोकले जानकारी दिएको छ ।