प्रकाशित मिति : सोमवार, कार्तिक २७, २०८०
काठमाडौं । सरकारले सांसद विकास कोषको रकम भूकम्प पीडितको राहत, पुनःस्थापना र अस्थायी आवास निर्माणमा खर्चिने भएको छ ।
सोमबार बसेको मन्त्रिपरिषद् बैठकले सांसद विकास कोषको झण्डै ८ अर्ब र दातृ निकायहरुको सहयोग समेत गरेर १० अर्बको कोष निर्माण गर्ने निर्णय गरेको एक मन्त्रिपरिषद् सदस्यले जानकारी दिनुभएको हो ।
सांसद विकास कोषको रकम खर्च नगर्न सर्वोच्चमा मुद्दा परेको थियो । योसँगै सरकारलाई कोषको रकम खर्च गर्न बाटो खुलेको छ । बैठकले भूकम्प पीडितको सहयोगका लागि अन्तराष्ट्रिय दातृ निकायलाई सहयोगका लागि आह्वान गर्ने भएको छ ।
© copyright 2016-2019 and all right reserved to jaljalakhabar | Site By : sobij
