तुलसीपुरमा प्रथम थारु सांस्कृतिक तथा खाना महोत्सव

थारु समुदायको महान पर्व माघीका अवसरमा प्रथम थारु सांस्कृतिक तथा खाना महोत्सव २०८० हुने भएको छ । बिहिवार विभीन्न सरोकारवालाहरुको बिषेश बैठकले थारु समुदायको लोक सांस्कृति परम्परालाई जगेर्ना गर्ने र उजागर गर्ने उद्धेश्यले सांस्कृतिक कार्यक्रम आयोजना गर्न लागेको हो ।

महोत्सवमा सांस्कृतिक कार्यक्रम संगै विषेशगरी आकर्षकका रुपमा थारु खानालाई प्रदर्शनीमा राखिने छ । थारु समुदायको भेषभुषा र स्थानीय उत्पादनलाई प्रचार गरीने गरि महोत्सव संचालन गरिने ग्रीन फाउण्डेसनका केन्द्रिय अध्यक्ष घनश्याम पाण्डेले बताए ।

बैठकले यहि माघ ५ र ६ गते तुलसीपुर स्थीत अरनीको मैदानमा महोत्सव संचालन गर्ने नीर्णय गरेको छ । जसका लागि विभीन्न समीती उप समितीहरु गठन भएका छन् । महोत्सवलाई भव्य रुपमा सफल पार्नका लागि मुल समीती संयोजकमा भागीराम चौधरी रहनुभएको छ । यस्तै सह संयोजकमा छवी चौधरी, सदस्य सचिवमा दिप्तीशिखा चौधरी, र सदस्यमा छवी चौधरी रहेका छन।

यस्तै मन्च ब्यवस्थापन समीतीको संगोजकमा टोप बहादुर घर्ती र सह संयोजकमा जित बहादुर खड्का रहेका छन । यस्तै आर्थिक समितीमा भागिराम चौधरी, बिष्णु बहादुर केसी,श्याम डांगी, छवी चौधरी र निर्मल आचार्य रहेका छ्न । खाना ब्यवस्थापन समितीको संयोजकमा बसन्त आचार्य रहेका छन। संचार संयोजकमा दिप्तीशिखा चौधरीलाई रहेकी छिन।

महोत्सव मुल आयोजक समितीका अध्यक्ष भागिराम चौधरीको अध्यक्षतामा बसेको बैठकको सहजीकरण ग्रीन फाउण्डेसनका सचिव शुरेस रावतले गरेका थिए।