प्रकाशित मिति : बुधबार, माघ १०, २०८०
काठमाडौं । राष्ट्रिय प्रजातन्त्र पार्टीका अध्यक्ष राजेन्द्रप्रसाद लिङदेनले क्षेत्री र बाहुनका कारण नेपाल धर्म निरपेक्ष बनेको आरोप लगाउनुभएको छ ।
मंगलबार काठमाडौंमा भएको कार्यक्रममा अध्यक्ष लिङदेनले देशमा धर्म निरपेक्ष आउनुमा बाहुन क्षेत्री र हिन्दु भन्नेहरु नै रहेको आरोप लगाउनु भयो । धर्मविहीन राष्ट्रियता र राजनीति हुन नसक्ने भन्दै उहाँले चुनावमा हिन्दु राज्य फर्काउँछु भन्नेहरुलाई जिताउन आवश्यक रहेको बताउनुभयो ।
लिङ्देनले नेपालमा धर्म निरपेक्ष बनाउन माओवादी भन्दा बढी दोषी नेपाली काँग्रेस रहेको बताउनुभयो । उहाँले हिन्दु अधिराज्य स्वीकार्न, राजालाई कुनै न कुनै ठाउँ दिन र प्रदेश खारेज गर्न सहमत भए नेपाली काँग्रेसको भाइ भएर हिँड्न राप्रपा तयार रहेको बताउनुभयो ।
© copyright 2016-2019 and all right reserved to jaljalakhabar | Site By : sobij
