प्रकाशित मिति : शुक्रबार, बैशाख २८, २०८१
काठमाडौं। प्रमुख प्रतिपक्षी दल नेपाली कांग्रेसले संसदको दोस्रो बैठक पनि अवरुद्ध गरेसँगै प्रतिनिधिसभाको बैठक स्थगित भएको छ।
बैठक शुरु हुनासाथ कांग्रेसका सांसदहरुले नाराबाजी गर्दै वेल घेराउ गरेका थिए। नाराबाजीका बीच सभामुख देवराज घिमिरेले उपप्रधान तथा गृहमन्त्री रवि लामिछानेलाई बोल्न समय दिएपछि कांग्रेस सांसदहरुले उनलाई रोष्टममा जानबाट रोकेका थिए।
कांग्रेसको अवरोधसँगै सभामुखले कार्यसूचीमा रहेका सबै विषय हटाउँदै बैठक स्थगित गरेका हुन्। अर्को बैठक जेठ १ गते साँझ ६ बजे बस्ने भएको छ। जेठ १ गते राष्ट्रपतिले सरकारको नीति तथा कार्यक्रम प्रस्तुत गर्ने तालिका रहेको छ ।
© copyright 2016-2019 and all right reserved to jaljalakhabar | Site By : sobij
