राजेश हमाल र सरोज खनाल फिल्ममा पुनः सँगै देखिने पक्का

काठमाडौं । निर्देशक दिवाकर भट्टराईले निर्देशन गर्न लागेको फिल्म ‘नरसिंहा अवतार’ मा कलाकारको रोचक लाइनअप तयार भैरहेको छ ।

अहिलेसम्म निर्माताले तीनजना कलाकार फाइनल गरेका छन् जसमा राजेश हमाल, नीति शाह र सनिशा भट्टराई छन् । यो सूचीमा पाका अभिनेता सरोज खनाल पनि थपिएका छन् ।

उनीहरुको भूमिकाबारे खुलाइएको छैन । यो फिल्मबाट ८ वर्षपछि अभिनेता हमाल फिल्ममा फर्किंदैछन् । हमालको कमब्याकबारे चर्चा भैरहेको बेला उनीसँग सरोज खनाल पनि एउटै फिल्ममा देखिने कुराले फ्यान उत्साही हुने पक्का छ ।

‘क्याप्टेन’पछि भट्टराई निर्देशित फिल्ममा अभिनेता खनालको यो दोस्रो सहकार्य हो । क्रिएटिभ सिने आर्टको प्रस्तुति रहने फिल्म भदौदेखि छायांकनमा जाने तयारीमा छ ।