प्रधान सेनापतिसँग भारतीय National Cadet Corps को भ्रमणदलद्वारा शिष्टाचार भेटघाट

बिनिता शर्मा, काठमाडौँ। प्रधान सेनापतिसँग भारतीय National Cadet Corps को भ्रमणदलद्वारा शिष्टाचार भेटघाट भएको छ ।

यही कार्तिक ११ गते प्रधान सेनापति महारथी श्री अशोक राज सिग्देलसँग नेपाल भ्रमणमा रहेका भारतीय National Cadet Corps (NCC) को भ्रमण दलले शिष्टाचार भेटघाट गरेको छ ।

राष्ट्रिय सेवा दलको वार्षिक कार्यक्रम अन्तर्गत सञ्चालित Youth Exchange Programme (YEP) मा सहभागी हुन भारतीय सेनाका Wing Commander PR Ponnappa को नेतृत्वमा १८ सदस्यीय भारतीय NCC टोली मिति २०८१ कार्तिक ०५ गते नेपाल आएको हो ।

वि.सं. २०२२ सालमा स्थापना भएको राष्ट्रिय सेवा दल, नेपालमा तालिमरत क्याडेट छात्र/छात्राहरुले वि.सं.२०२६ सालबाट विभिन्न देशहरूमा सञ्चालित YEP मा सहभागीता जनाउँदै आई रहेका छन् ।

यस कार्यक्रम अन्तर्गत नेपालबाट हालसम्म भारत, श्रीलङ्का, बङ्गलादेश, भुटान, मालदिभ्स, पाकिस्तान, सिंगापुर लगायतका देशहरूमा राष्ट्रिय सेवा दलका क्याडेट छात्र छात्राहरूले भ्रमण गरिसकेका छन् ।

नेपाल भ्रमणमा रहेको भारतीय National Cadet Corps (NCC) का टोलीलाई लक्षित गरी सञ्चालन भएका विभिन्न कार्यक्रमहरूमा नेपालको राष्ट्रिय सेवा दलका छात्र/छात्राहरूको समेत सहभागिता रहेको छ ।

जङ्गी अड्डामा आज आयोजित भेटघाट कार्यक्रममा रथीवृन्द, राष्ट्रिय सेवा दल, नेपालका कार्यकारी महानिर्देशक लगायत YEP मा सहभागी नेपाल तथा भारतका NCC छात्र छात्राहरूको उपस्थिति थियो ।

राष्ट्रिय सेवा दल अन्तर्गत नेपालमा हालसम्म ७४,४८० जना छात्र/छात्राहरुले सिनियर तथा जुनियर डिभिजन तालिम प्राप्त गरिसकेका छन् भने यस वर्ष ७,७०४ छात्र/छात्राहरु उक्त तालिम सहभागी भई रहेका छन् ।