संघीयताको सवलीकरणमा मिडियाको भूमिकाको खोजी

देउखुरी । लुम्बिनी प्रदेशका मुख्यमन्त्री चेतनारायण आचार्यले संघीयताको सवलीकरणका लागि मिडिया क्षेत्रको भूमिका महत्वपूर्ण रहेको बताउनुभएको छ । नेपाल टेलिभिजनका कार्यकारी अध्यक्ष समिरजंग शाहको नेतृत्वमा रहेको एक प्रतिनिधि मण्डलसँग मुख्यमन्त्री तथा मन्त्रिपरिषदको कार्यालय राप्ती उपत्यका देउखुरीमा मंगलबार भएको भेटमा मुख्यमन्त्री आचार्यले संघीयतालाई बलियो बनाउनेगरी मिडिया क्षेत्रले प्रभावकारी भूमिका निर्वाह गरिरहेको, अझै प्रदेश सरकारबाट सम्पादन भएका काम र असल अभ्यासहरुलाई नागरिक माझ पु¥याउन जोड दिनुभयो ।

‘प्रदेश स्थापना भएदेखि नै मिडिया क्षेत्रसँग सहकार्य भइरहेको छ । प्रदेशको सम्भावना र सम्पादन भएका कामले जनस्तरमा पु¥याएको योगदानलाई बाहिर ल्याउन जरुरी छ’– उहाँले भन्नुभयो– ‘सुशासन, पारदर्शिता र जवाफदेहिताका लागि मिडिया क्षेत्रबाट अझै भूमिका बढाउनुपर्नेछ । यसका लागि प्रदेश सरकार मिडिया क्षेत्रसँग सहकार्य गर्न चाहन्छ ।’

भेटमा नेपाल टेलिभिजनका कार्यकारी अध्यक्ष समिरजंग शाहले सार्वजनिक प्रसारण संस्था गठन गरेर नयाँ ढंगले नेपाल टेलिभिजन र रेडियो नेपाल अगाडि बढेको, आगामी दिनहरुमा पनि प्रदेश सरकारसँग सहकार्य गरेर जाने बारेमा जानकारी गराउनुभएको थियो । भेटमा एनटिभी कोहलपुरका प्रमुख विजयकुमार बर्मा लगायतको सहभागिता थियो ।