प्रकाशित मिति : शुक्रबार, पुस १९, २०८१
काठमाडौं । नेपाली कांग्रेसका केन्द्रीय सदस्य एवम् पूर्वमन्त्री शंकर भण्डारीले २०/२५ जना युवाहरूलाई पार्टी सदस्यता प्रदान गरेका छन् ।
शुक्रबार काठमाडौंको महाराजगञ्जस्थित सम्पर्क कार्यालयमा नेता भण्डारीले युवाहरूलाई कांग्रेसमा प्रवेश गराएका हुन् । नवप्रदेशीहरूलाई कांग्रेसको सदस्यता प्रदान गरेका छन् ।
एमाले, माओवादी लगायतका राजनीतिक दल परित्याग गरी कांग्रेसमा प्रवेश गर्नेहरूमा तनहुँ शुक्लागण्डकी नगरपालिका, घिरिङ गाउँपालिका र भानु नगरपालिका निवासीहरू हुन् ।
नेता भण्डारीले मुलुक हाँक्ने पार्टी कांग्रेस भएको हुँदा सबैले कांग्रेसलाई साथ दिनुपर्ने बताए । उनले कांग्रेसलाई विश्वास गरि सदस्यता लिने व्यक्तिहरूलाई योग्यता र क्षमताका आधारमा उपयुक्त जिम्मेवारी दिने बताए ।
© copyright 2016-2019 and all right reserved to jaljalakhabar | Site By : sobij
