लोपेजको रेकर्ड तोडिन् आलिया भट्टले, बनिन् बडिउडकी पहिलो अभिनेत्री

मुम्बई । बलिउड अभिनेत्री आलिया भट्टले आफ्नो दमदार अभिनय र आफ्नै बलमा सुपरहिट फिल्म बनाएर आफूलाई हिन्दी सिनेमाको शीर्ष अभिनेत्रीको सूचीमा राखेकी छिन् ।

विवाहपछि पनि आलिया अहिले निर्देशकको पहिलो रोजाइ बनिरहेकी छिन् र निर्देशकले पनि उनलाई आँखा चिम्लिएर झन् विश्वास गर्न थालेका छन् । जसका कारण आलिया चाँडै नै ठूला फिल्ममा एक्लै देखिदैँ पनि छिन् ।

यसैबीच, आलिया भट्टको जादूले फेरि एकपटक विश्वव्यापी स्तरमा तरङ्ग ल्याउने काम भएको छ । आलिया भट्ट विश्वभर इन्स्टाग्राममा सबैभन्दा प्रभावशाली सिनेमा र अभिनेताको रूपमा दोस्रो स्थानमा आउन सफल भएकी छिन् ।

प्रभावकारी मार्केटिङ प्लेटफर्म हाइप अडिटरको रिपोर्ट अनुसार आलियाले ड्वेन जोन्सन र अमेरिकी गायक जेनिफर लोपेजजस्ता अन्तर्राष्ट्रिय आइकनहरूलाई पछाडि छोडेर मनोरञ्जन उद्योगमा आफ्नो स्थानलाई बलियो बनाएकी हुन् ।

बलियो प्रशंसक फलोइङको साथ आलियाले आफ्नो शक्तिशाली प्रदर्शन, ब्रान्ड सहयोग र सोशल मिडिया उपस्थितिमार्फत दर्शकहरूलाई व्यस्त राखेकी छिन्। फिल्म बाहेक उनको प्रभाव अन्य क्षेत्रमा पनि छ, जसमा फेशन र डिजिटल संलग्नता पनि समावेश रहेको छ।

रिपोर्टका अनुसार जेन्डाया यस लिस्टमा पहिलो नम्बरमा छिन् र उनको पछाडि आलिया भट्टको नाम रहेको छ। जससँगै आलिया यो सूचीमा दोस्रो स्थान बनाउन सक्ने पहिलो भारतीय सेलिब्रेटी बनेकी छिन् । आलियाको इन्स्टाग्राममा ८५ मिलियन भन्दा बढी फलोअर्स छन् ।

आलिया सामाजिक सञ्जालमा पनि निकै सक्रिय छिन् । आलियाले ब्रान्ड प्रमोशन देखि लिएर आफ्नो व्यक्तिगत जीवनको जानकारी सामाजिक सञ्जालमा आफ्ना फ्यानसँग शेयर गर्छिन् ।

आलिया भट्टले गंगुबाई काठियावाडी, रकी और रानी की प्रेम कहानी, राजी र आरआरआरजस्ता फिल्महरूबाट मानिसहरूलाई धेरै प्रभावित गरेकी थिइन् । अब आलियासँग आगामी समयमा धेरै ठूला प्रोजेक्टहरू रहेका छन् ।
ँ
आलिया सञ्जय लीला भन्सालीको फिल्म ‘लभ एन्ड वार’ मा पनि श्रीमान् रणवीर कपूरसँग देखिँदै छिन् । जहाँ आलिया साउथका निर्देशक नाग अश्विनसँगको अर्को फिल्मको बारेमा कुरा गरिरहेकी छिन् तर टुंगिन भने बाँकी रहेको छ ।